La xuglaría supón, per un llau, una anovación del arte la narración oral, remaneciendo d´uno de los sos raigaños; per otru, siguir cola xera de la recuperación y actualización del xéneru. Sicasí, los espectáculos de xuglaría valen pa representar mesmo nos circuitos de narración oral mesmo´n ciclos teatrales.
       Un averamientu a la xuglaría n´asturiano ye La Matazuga, basau en cuentos de tradición oral recoyíos por María Xosefa Canellada, amás de´n versos y cantares y alcordances propies.

        En castellán destaca l´espeutáculu Juglarías, estrenau nel Festival Internacional de Teatro Clásico de Almagro, el día …. de xunetu de 2007, na plaza mayor d´esti pueblu manchegu.     Los cuentos del Quijote, estrenau a cuenta del cuatrocientos aniversariu de l´espublizamientu de la primer parte de  “El ingenioso hidalgo Don Quijote de la Mancha”, fae un repás a la tradición oral enxertada nel llibru Cervantes, siendo bien curiosa la so acoyida nos escenarios más estremaos, mesmo pa públicu infantil comu adultu.
        Con Tejiendo sueños de antaño, estrenau nel Festival de Teatro de Calle de Palencia en xunetu de 2002, entamen los espeutáculos de xuglaría de Carlos Alba.
        En toos tá presente la música, al traviés del rabel o bandurria, instrumentu medieval, asina como de romances y coples cantaes.