Fecha y llugar d´estreno: Abril 2006. Teatru del Centru Cultural Teodoro Cuesta (Mieres)
Autores: cuentos populares recoyíos por María Xosefa Canellada, poemes de Marcos del Torniello y Teodoro Cuesta, Carlos Alba.
Guión ya interpretación: Carlos Alba
Duranza: 1 hora
Públicu preferente: Tolos públicos / Persones Mayores
Llingua: Asturiano / Castellano
GÉNERO / TÉCNICA: Juglaría

Resume del espectáculu:

Cuandu tenía 10 años, perdí la fala. Los mios pas lleváronme a la mio güela pa que me pasare´l agua y yera tal el mal de güeyu que tenía que tuve que quedar con ella en pueblu, nel Cellero, que de nenu yera pa mí talmente´l paraísu. N´aquellos nueve dís sentí les histories d´este espeutáculu, na cocina, a la  vera del llar, cuntaes por esos paisanos y paisanes que son los mayestros de la tradición oral. Hasta que por cuenta d´una matazuga  (de les d´anantes, con duerna, berríes y corón) dexé de tar agüeyau.

Cuntaré los socedíos de Xico y Manuelona, o´l casoriu emposible del so fíu Xuacu y la hestoria del picu les ñarices. Tamién, si cuadra, la increyible historia d´aquella paisana vieyona que llamaben Tía Miseria. Too ello arremezau colos versos de Marcos del Torniello o Teodoro Cuesta que-y sentía dicir al mi güelu cuandu s´enfilaba después de la cena.