POR FALAR VENCÍ LA GÜESTIA
Monólogos y cancios de finales del XIX y primeros del XX

Autores:  basau en textos de Marcos del Torniello, Pepín Quevedo, Wenceslao Flórez y Fernández, Baldomero Fernández, Carlos Alba y tradición popular. Adaptación de textos: Carlos Alba Fecha y llugar de estreno: La Tienda (Pravia, Asturies). Ochobre 1999. Duranza: 1 hora Públicu preferente: Tolos públicos / Persones Mayores Llingua: Asturiano Interpretación y Dramaturgia: Carlos Alba Vestuario y Atrezo: Rosa Blázquez Por falar vencí la güestia busca recuperar hestories d´anantes, con un enfotu especial nel usu´l versu y da-y una dimensión teatral a la figura´l monologuista. Púnxose cuidiau en escoyer testos con un asturianu mui ricu, pocu cuntaos nestes dómines.

Repertoriu

Monólogos:

El dios de Pepa la Coxa (Marcos del Torniello, 1904): Hestoria, en hexasílabos asonantaos, de Xuanín de Vicente, el más fatu de Cardo (Gozón).

Filosofíes d´un curda (popular, primeros sieglu XX): Un clásicu dientro´l humor asturianu. Cellero fala´n favor de la bébora y los bonos efeutos que tien pal organismu.

L´algodón (Pepín Quevedo, 1897): De cómu Telvina la de Flora fízose una ferida por aciu d´escabricase la oreya, y cómu se les apañó pa sanala Mingu de la Paxareta. En quintilles.

Farruquín (Wenceslao Flórez, caberos años sieglu XIX): Hestoria de Farrucu, un fartón que arreventó de tanto xantar. N´asturianu occidental, con posible torna al central. N´octosílabos asonantaos.

Un día n´Uvieu (Bartolomé Fernández, 1909): De cómu Cellero empobinó pa la capital cola so Rosona dempués de veder la vaca y de lo que-yos pasó nel café y nel teatru. Otru clásicu n´octosílabos asonantaos.

Hestoria de Cellero´l monologuista (Carlos Alba, 2001): Pa finar Cellero diz cómu fue que se fizo monologuista, cuandu se-y apaeció la güestia pa matalu y él retruco-y con hestories, monólogos, cuentos, tonaes y vaqueiraes. De magar entós dexó la so aldea y anda pel mundu falando y canciando. Fízose pa iguar la dramaturxa´l espeutáculu y d´él remanez el títulu del mesmu. N´octosílabos asonantaos.

Tonaes y cancios: Carretera d´Avilés, Ay,amor, La romería, La mio neña, Soy de Llangréu y vaqueiraes. Tamién cosadielles, coses, socedíos, dichos... espeyando nel espeutéculu la mezcolanza propia de la tradición oral.