Guión ya Interpretación:       Carlos Alba (Cellero)

Textos espublizaos en:       Del chigre, Trabe, Uvieu, 2006

¡Del chigre! ye un espeutáculu camudante y flesible, comu lu ye el Monologuismu Cómicu Asturianu, un xéneru que ufre posibilidaes abondes pa trabayar cola actualidá, con formes estremaes d´espresión comu´l canciar, la prosa o el versu, y que ye quien a incorporar la cultura crítico del pueblu.

Con esti homenax al chigre comu sitiu d´alcuentru y d´analís de la sociedá, Cellero quier ser un cronista de la nuesa hestoria. Por eso puede falamos, cola so retranca avezá, dende les marees ñegres de galipote a la guerra d´Irak, los atentaos del 11 de marzu, l´escándalu de los pas de Madeline o les alloriaures del campeonatu de fútbol, ensin escaecer la revolución del 34 o la emigración asturiana a Cuba nin, por supuesto, les noticies que apaezan nel “parte” el mesmo día de la representación.

Esta actualización del “folclore” ye posible gracies al trabayu continuo cola tradición, porque ensin conocimientu d´ella nun hay anovación, lo nuevo tiene de remanecer de lo vieyo. Comu diz Cellero: "Los mozos tienen de facer lo vieyo y los vieyos lo moderno. Porque si los vieyos namás se dedicaren a lo antiguo y los mozos a lo moderno, quedamos trancaos".

Alfonso García