El monologuismu cómicu asturianu

Ye un xéneru escénicu popular onde un personaxe, pelo xeneral de pueblu, cuenta hestories d´humor, usando recursos expresivos estremaos comu´l versu o´l cantu. Los primeros testos d´esti xéneru daten del sieglu XVII, y´l so orixe afáyase nel monólogu bufonescu medieval y nos personawes arquetípicos de la Comedia del Arte.
El Monólogu Asturianu ye un xéneru cimblante, nel que puede asitiase una permanente actualización, desendolcándose n´espacios mui estremaos: chigre, romeríes, mercaos, sales teatrales...
El Monologuismu Asturianu, comu estaya de la cultura popular viva que ye, remanez una fonte inescosable d´inspiración pa analizar l´allorie del mundu contemporáneu y afayar daqué d´humor críticu, coñón, retranquero y “puerco” nun panorama humorístico nel que reina l´humor blanco, el chiste fácil y´l seguidismo a formatos d´espectáculu impuestos pola televisión.
Pa más información sobre el Monologuismu Asturianu véase el capítulu que-y adica Adolfo Camilo Díaz nel so ensayu “El teatru popular asturianu”. Pa lleer testos nada meyor que la colección asoleyada pola editorial Trabe titulada “Maestros del Humor”, n´onde Carlos Alba espublizó en 2006 los monólogos de Cellero col títulu de “Del chigre”. Ver tamién el artículu “Monologuismu Cómicu Asturianu: renovación dende la tradición” (revista El Summum), y delles entrevistes en prensa.
El Monólogu Asturianu tien una proyeición que va más p´allá de les fasteres asturianes, ensin necesidá d´averase a la fórmula televisiva del stand up comedy. Ello ye por ser parte d´una cultural popular teatral que vaga la pena recuperar nos pueblos de tol mundu.

Este narrador ha creado un personaje, un viejo abuelo asturiano (Cellero, el monologuista), y a través de éste recupera la tradición asturiana de los monologuistas, con unos espectáculos en los que mezcla prosa, versos y canciones y conecta material narrativo folclórico con la actualidad política y social española, siendo quizás el único nuevo narrador español que explota conscientemente el filón reivindicativo y transgresivo de cierta cultura popular. Entre sus trabajos recordamos el espectáculo Por falar vencí la guestia, presentado, en enero de 2003, en el Ateneo de la Calzada de Gijón. Para más información puede consultarse la página web www.cellero.com. (Marina Sanfilippo, El renacimiento de la narración oral en Italia y España, UNED, Madrid, 2007, pp. 532, p. 326)

"Questo narratore ha creato un personaggio, il vecchio asturiano Cellero, e per mezzo suo recupera la tradizione asturiana dei monologuistas comici, con degli spettacoli in cui mescola prosa, versi e canzoni e riutilizza materiale narrativo folklorico per parlare dell’attualità politica spagnola. Si tratta dell’unico nuovo narratore spagnolo che sfrutta consapevolmante il filone rivendicativo e trasgressivo della cultura popolare. Cfr. la sua pagina web www.cellero.com." (Marina Sanfilippo,"I nuovi narratori: un fenomeno non solo italiano", VOCI. Semestrale di Scienze Umane diretto da Luigi M. Lombardi Satriani, Anno II, n. 1 gennaio-giugno 2005,  pp. 125-145, p. 140. Gruppo Periodici Pellegrini, Cosenza).

CELLERO, ¿QUIÉN YE?

Aniciu

Cellero foi el mio bisagüelu, carreteru que tolos díes diba colos gües camín d´Avilés (comu´l canciu). Foi un personaxe que dexó una fondera huelga nos suyos, pa bien o pa mal. Cellero ye, tamién, el barriu onde vivía y onde viven los Celleros, y Cellero ye la casa.

    Del mio bisagúelu cúntense, entovía güei, munchos socedíos, la xente alcuérdase de velu peles caleyes, nos chigres, n´Avilés, siempres colos sos gües, delles vegaes enfiláu, dando saltos enriba´l carru. Yo malapenes lu conocí, pero recuérdolu (magar que yera más bien ñarru) comu un paisanón del que había qu´escondese cuandu los neños tábemos xugando pela quintana y, sobre too, si mos topaba na cuadra de los sos gües, onde nun dexaba entrar a naide. nadie.

Cuandu me plantiyé´l dir a la gueta d´un personaxe col que facer monólogos alcordéme d´elli. Llueu foi tomando vida propia con tol so mundiu: los sos collacios Manolín, Pin, Lin, Fozmartiellu, Xuan, Colás, Perico´l Facha... y además metióse a rucar nel mundiu de güei, na so actualidá. Nun sé qué camentaría aquel bisgüelu si allevantara la tiesta y viera al so biznietu facer lo que fa-y...

    Una vegá al añu los sos biznietos facemos una fartura y cuntamos hestories d´él y d´otros. Ye la “fartura los celleros”.

Soy Cellero, probe, llanu,
ñarrucu pero con xeniu.
So fíu del minifundiu
Y nietu d´analfabetos,
Fiyastru d´una amestanza
De maízo, yerba seco,
Morgazo, tarrón, moñiga,
Vilorto y vino perrero.
Milenta vegaes perdí
La casería por neciu,
Milenta volví ganala
Trabayando duru y reciu
Cola carreta y los gües,
Pegoyado y Arpilleru,
La mio muyer sola tierra
Afesoriando, el so pechu
Eclináu, la saya negra
Y l´arguyu bien arrechu.
Curié hasta güei de les vaques,
Mios fíos fueron obreros,
Mios nietos oficinistas,
peones y hasta inxenieros,
magar que mí me pruyía
que dalgún fuera chigreru,
que too oficiu ye persabiu
y necesariu dafecho,
menos especulaores,
chorizos y subasteros.

Soi l´aldea, mios coraes
Lladren igual que los perros,
Estuercen comu meruca
tremen comu xatu espiertu
Que quier ponese de pies
O si a en casa voi melgueru
Cancien igual que´l quiricu.
¡Soi Cellero, bracu, atéu,
Trabayaor, mala tiesta,
Bebeor y falancieru!
¡El día que nun lo seya
llevaime pal cementeriu!