Tá empeñau en recuperar y anovar el
Monologuismu Cómicu Asturianu, esti xéneru teatral únicu nel nuesu
entornu. Pa ello pon en pie espectáculos de monológos que tien
representau n´Asturies y fuera d´ella, ya imparte taller d´Aniciu
al Monologuismu. Les sos pieces traten dende´l mundu rural más
antiguu hasta les coses que pasen talmente´l día la representación.
Los sos monólogos actuales tan espublizaos col títulu de “Del
chigre” (Trabe, Uvieu, 2006), y tamién tien dellos en Pa echar
unes rises (Trabe, Uvieu, 2012).
En 2012 estrena “Llázaro de Tormes”,
versión n´asturiano del Lazarillo, nel teatru Xovellanos de Xixón.
Esi añu el teatru Prendes de Candás otorga-y el premiu Anxelu de
monologuismu, comu reconocencia de la so trayectoria.
Tien ganao tamién el premiu de
monólogos Pepe Campo nos años 2009 y 2011. En 2006 fue nominau comu
meyor autor a los Premios Asturias de las Artes Escénica por
Alonsomanía.
Formóse comu actor en Réplika.
Academia del Actor, dirixida por Jaroslaw Bielski. Fizo talleres con
José Luis Gómez y Rosario Ruiz (Teatru de la Abadía), Denis Rafter
y Agustín García Calvo. Formóse en voz, versu y cantu con Jorge
Uribe y Jesús Aladrén. Trabayó, entre otres, coles compañíes
Réplika Teatru, La Diosa del Sarcasmo o Yelmo, con testos de
Calderón, Shakespeare, Fernán Gómez o Dale Waserman (Alguien voló
sobre el nido del cuco). Fizo teatru de cai con Visitants.
