Autores: Vanessa Peña y Carlos Alba Interpretación: Vanessa Peña y Carlos Alba Dirección: Carlos Alba Fecha y llugar d´estrena: 18 de septiembre de 2006. Brañella, San Martín del Rey Aurelio. Duranza: 50 minutos. Públicu preferente: A partir de 7 años. Llingüa: Castellano / Asturiano y Gallego-asturiano.

Resume del espectáculu:

L´espectáculu entámase cola falta comunicación ente dos collacios que se quieren pero que nun s´escuchen porque nun saben.
Ella reprocha-y que namás ye quien a callar cuandu ta viendo la tele y cuandu xuega a la pleiesteison. Él enfocícase diciendo-y qu´ella pasa´l día apiegá al so teléfonu móvil. 
Asina, la obra entama con un diálogo risonderu nel que dos persones falen a un tiempu y nin ellos/es, nin el públicu, entienden lo que diz l´otru hasta que de sópitu ella, enfurruñada, cállase y decátase de que, namás de tala manera, fincada nel silenciu, ye quien de escuchar-y y caltener una parpayeula cuyu tema cimeru van ser los cuentos, que van escenificase ente los dos.
Ún de los personaxes fala asturiano y l´otru gallego-asturiano, siempre adautándose al nivel de comprensión del públicu nes zones onde una de les dos llingües nun se fale, ye decir, atendiendo a la comprensión del asturiano na zona Navia-Eo, y a la del gallego-asturiano nel resto´l territoriu.