Guión: Vanessa Peña y Carlos Alba Interpretación: Carlos Alba   Fecha y llugar d´estrena: 8 de Abril de 2005. Centru Cultural Rigoberta Menchú (Leganés). Duranza: 45 minutos = Cuntacuentos (20 minutos) + Charra y alderique colos pas y mas sobre cómu cuntar cuentos (25 minutos) Públicu afayaízu: 0-36 meses. Llingüa: Asturiano / Castellano Metodoloxia participativa. Requierse l´emplicamientu de pas y/o mas o tutores, que tienen que acompangar a los bebés na sesión. A la fin daráse una bibliografía encamentada (cuentos pa bebes y llibros de sofitu pa los sos proxenitores).

La reciella nun convién que pase los 15 bebes (aconpangaos polos sos pas o tutores), debiendo sabese unos dís anantes la edá (en meses) de ca un y ca una de los participantes.

Daes les carauterístiues del públicu afayaízu pal espectáculo, requierse poca distancia ente los bebes y los narraores (ente 50 cm. y 1 m.).

I. CUENTACUENTOS

 Histories curties col usu d´estímulos visuales comu marionetes “de deu” y lámines, efeutos sonoros con instrumentos musicales senciellos. Cuentos averaos al ritmu y a los soníos, cuentos enllenos de soníos, convidando a los pas y a les mas a que fagan colos sos bebés lo mesmo que fae´l cuntacuentos. Tamién, un primer averamientu al llibru comu oxetu. La voz del narraor tá en contauto permanente colos neños y neñes, baxando y subiendo´l tonu y el volume  en rempuesta a les sos reaiciones, dexando marxe a la emprovisación y a la entrada de canciones cantaes y tocaes con xiblata.

II. CHARRA-ALDERIQUE COLOS PAS 

• Encamientos Básicos: introducción al arte de cuntar pa bebés.

• Implicaciones educatives y/o beneficios de cuntar cuentos pa bebés.

• Relatu ya intercambio d´experiencies: “¿Cuenta-y vusté cuentos al so bebé? ¿En qué momentu-y cunta cuentos?, etc.”

• Criterios de seleición de cuentos: Bibliografía encamentada.